जमीन विभाजन

जमीन विभाजन प्राप्त करपा खातीरः-

अर्ज खंय करचो

संबंदीत तालुको/उपजिल्लोधिकारी आनी ऍसडीऍम कार्यालयांत अर्ज करचो

जोडपाचे दस्तावेज आनी भरपाचें शुल्क

अर्जाच्या फॉर्मा खातीर शुल्क गरजेचें ना

अर्ज केल्या उपरांत तपशीलवार प्रक्रिया

जमनीचो डिक्री धारक वा सह-धारक सकयल दिल्ल्या दस्तावेजां सयत जमीन महसूल संहितेच्या कलम 61 अंतर्गत साद्या कागदाचेर विभाजना खातीर अर्ज करूंक शकताः-
अर्जदाराच्या नांवान योग्य रितीन फेर फार केल्लें नवें फॉर्म I आनी XIV (1 मूळ+1 प्रमाणीत/नोटरीकृत)*
सुवात आराखडो म्हणल्यार विभाजन करपाचे क्षेत्र दाखोवपी आराखडो (1 मूळ +1 झेरॉक्स). विभाजन करपाच्या क्षेत्राचो अध्यारोपण आराखडो.
सर्वेक्षण आराखडो(1 मूळ +1 झेरॉक्स)
टायटल/मालकीचे दस्तावेज, देखीकः विक्री विलेख आनी हेर (1 नोटरीकृत/ प्रमाणीत+ 1 झेरॉक्स).
फॉर्म I आनी XIV: गांवाचे नांव आनी सर्वे क्रमांकाचो उल्लेख करून साद्या कागदाचेर 5 रु कोर्ट फी स्टॅम्पा सयत अर्ज करचो. (मामलतदाराचें कार्यालय)
तपासणी उपरांत, फॉर्म I आनी XIV तल्या संबंदीत प्रतिपक्षींक नोटीस जारी करतात.
जर प्रतिपक्षीं कडल्यान कांयच आक्षेप येवंक ना जाल्यार क्षेत्रा प्रमाणें आवश्यक शुल्क भरल्या उपरांत संबंदीत तालुक्यांतल्या सर्वेक्षण आनी भूअभिलेख निरिक्षक (आयऍसऍलआर) हांका जाग्याचें शिमांकन करपाचे निर्देश दिवपी पयलो आदेश जारी जाता.
आयऍसआरऍल कार्यालयाचो अहवाल आयल्या उपरांत संबंदीत उपजिल्लोधिकारी आनी ऍसडीऍम कार्यालया वरवीं अंतीम आदेश जारी जाता.

4.वेळेची मर्यादा

एकदा अर्ज प्राप्त जाल्या उपरांत 15 दिसां भितर अर्ज सुचोवण्यो आनी जाहीरनामो जारी करतात.

भेट दिवची: https://goaonline.gov.in/

ठिकाण : Dy. Collector & SDM Office